لما رب الكون حباكي ..كل الخلق حبك
كنتى اول أرض تطرح
كنتى اول بسمة تفرحك
كنتى لينا وكنا ليكي
كنتى شريان المحبه
واصطفاكي وخلي
وكنا دم بيجري فيكي
واما ربك قال نعمر
كنا اول ايد تعمر
كنت أول بيت صغير
بس ساكن جنبه قصر
كنت مصر
واحنا كنا ليكى شعب
ياما قالو الشعرا عنك
ياما دابوا في بحر حبك
بس لما جيت احبك
التقيت الحب صعب
والتقيت جوايا دمعه وميت سؤال
ميت سؤال
مصر مين؟
شيخ مربع فوق سنين العمر ساجد ولا
فاسد ؟!
مصر مين؟
مصر نكسه ولا نصر ؟
بيت صغير ولا قصر؟
مصر واحده ايدها واحده
ولا ناس متفرقين؟!
مصر مين؟
مصر شبرا.. ولا اوبرا ؟!
مصر نائيه .. ولا راقيه ؟!
مصر ماتت ولا باقيه
مصر مين؟
مصر رحله وكله رايح
ولا زحمة وقطر طايح
والعيال متشعبطين؟
مصر مين ؟
مصر خوفو ولا عمرو
مصر حبك جوه دمي ..ولا حبك فعل
أمر؟
مصر حبك جوه دمي
وانت امى ف كل عصر
مصر أمي وهو حد يا خلق يرفض
ان امه تبقي مصر
مصر مهما قالوا عنها
برضه باقيه بيت وقصر
مهما شفنا من تناقض
مهما كان الكل رافض
باقيه مصر
تحيا مصر
2 comments:
gamda el qaseeda fel fekra w shwayet 7etat bas 4 sure mesh enty elli katbaha ya nora asl law enty elli katbaha kanet 7ateb2a a7la bekteeeer ;)
dee kemala lelli ablaha ....
asl enty akeed mate3rafeesh shobra wel opera wel 7agat dee bas enty kaman fannana gamda geddan wa mofakkera m3adeya....meshtanyeen el mazeed:D
Post a Comment